波鞋無波
講起鞋，皮鞋有皮，但係波鞋無波喎！喂同菠蘿包無菠蘿同一個concept喎，咁到底波鞋點黎架？！

 

 

祖師爺 橡膠底帆布鞋 (Plimsolls)
波鞋最初模樣就係橡膠底帆布鞋 (Plimsolls)，又或姐係大家口中常叫嘅體操鞋。係18世紀尾，由 Liverpool Rubber.Co Ltd 開始小量生產，基上係高壓橡膠底用線同膠水連接上帆布鞋身做成，係無左腳右腳設計

Plimsolls 呢個英文詞語本身係講緊用係貨船上嘅載重吃水線，用黎話比船員聽現時載重令架船身低過水面幾多，航行到底安唔安全。橡膠底帆布鞋當時都有異曲同工之妙，係橡膠底接近帆布連接位，會有一條水位線，去話比穿著者聽，如果水位過左水位線，就會整濕對腳。正正係就係呢個feature, Pilmsolls就成為呢款鞋嘅別稱，亦成為當年潮人去沙灘嘅鞋款首選！

 

 

波鞋大眾化推手 Keds
唔洗咁耐，Keds 就改善左初代橡膠底帆布鞋嘅不適，首先用左更柔軟嘅橡膠去做鞋底去提供較舒適嘅步行感。第二 Keds嘅產品係有分左右腳，為穿著者提供更好包腳感。時至19世紀初，Keds 將呢類鞋大量生產，將其帶入大眾視線。

(19世紀初代Keds 波鞋)

亦由呢段時間起，大家都為呢款鞋改左個花名，就係大家都好熟悉嘅sneakers 啦！當時嘅講法係，穿著者著左呢類鞋之後，行路細聲左好多，可以神不知鬼不覺接近人 (sneak up to somebody)喎！

 

 

波鞋風靡運動場 Converse
其實係當年Keds 大量生產 sneakers 波鞋同時，慢慢都有D運動員有著黎比賽，不過去到風靡整個運動界，就不得不提萬年青品牌 Converse啦 !

(1923年 All-Star No-Skid Converse)

同期於1917年左右，Converse 創辦人 Marquis Converse 生產左一款專為籃球而生嘅sneakers，就係大家耳熟能詳嘅 Converse All-Star 系列。去到1923年，Converse更邀請籃球員 Chuck Taylor代言sneakers系列 Converse Chuck Taylor All-Star。其它波鞋我唔敢講，不過 Converse All-Star / Chunk Taylor All-Star真係史上數一數二最長青波鞋系列，時至今日大家出街都會見到唔小人著。

 

(Chuck Taylor(左)及Converse 宣傳照)

 

好喇，今個星期講住咁多先，下星期再講波鞋進入百花齊放嘅年代！

 

keywords: 波鞋, sneakers, Keds, Converse, 波鞋歷史